Your Excellency Shri Narendra Modi, Prime Minister of the Republic of India;Your Excellency Dr. the Honourable Navinchandra Ramgoolam, Prime Minister of the Republic of Mauritius, and Mrs. Veena Ramgoolam;Your Excellencies, Distinguished Invited Guests, My Fellow Seychellois, Ladies and Gentlemen,All protocols observed.It is my great honour and pleasure to welcome you to Seychelles as we commemorate the fiftieth anniversary of our Independence.Your presence on this historic occasion is a great honour to our nation and a reflection of the enduring friendships and partnerships that Seychelles has nurtured with countries across the world over the past five decades. We are deeply grateful that you have joined us to celebrate this important milestone in our nation's history.Fifty years ago, Seychelles took its rightful place among the community of nations as a sovereign and independent Republic. Since then, we have remained steadfast in our commitment to friendship, mutual respect, peaceful coexistence and constructive international cooperation.The progress we celebrate today has been made possible through the resilience and determination of the Seychellois people, strengthened by the friendship, solidarity and cooperation of our international partners. For this, we express our sincere gratitude.As we celebrate this Golden Jubilee, we reaffirm our commitment to strengthening the bonds of friendship that unite our countries and to working together in pursuit of a more peaceful, prosperous and sustainable future.Once again, welcome to Seychelles, and thank you for honouring us with your presence on this memorable occasion.My fellow Seychellois,As we celebrate fifty years of our nation's independence, it is only fitting that I continue this address in our mother tongue, Kreol Seselwa, the language that reflects our identity, our heritage and the enduring spirit of our people.Senkant an deza.Senkant an pase, mon ankor rapel tre byen mon ti en zanfan 12 an, mon tousel, mon ti desann lo stab popiler pou vin temwanny nesans mon pei Sesel.Pou lapremyfwa nou paviyon, paviyon Sesel, ble, blan, rouz, ti monte, anba sa lesyel Losean Endyen, e fer en deklarasyon avek lemonn nou lib, Sesel i lib, nou pep i lib.Sesel in finalman, apre plizer lannen lalit, annan son souverennte.I annan de moman dan lavi en nasyon ki depas pasaz letan bann moman ki apartenir pa zis a bann ki’n viv zot, me ki osi apartenir a sak zenerasyon ki’n swiv. Ozordi i en tel moman.Zibile Lor nou lendepandas i pa zis en dat lo en kalandriye. I en rekonesans sa ki nou ete, en selebrasyon zistans ki nou’n arive, e en promes solanel lo kote nou pe ale.Mon debout devan zot ozordi pa selman koman zot Prezidan, me koman en Seselwa fyer e dinny enn de zot amble e touse par limansite sa lokazyon, e labote sa pep.Byen lontan, avan ki leres lemonn ti komans port latansyon lo nou bann zil, nou bann zanset, Afriken, Azyatik, Eropeen ti ariv lo sa teritwar, e swazir pour batir en keksoz ansanm. Zot ti anmenn avek zot, diferan zistwar, diferan langaz, diferan krwayans, diferan kiltir. E avek sa diversite ekstraordiner, zot in fasonn en keksoz ki rar: en pep ki viv anpe ek kanmarad, en kiltir inik, ki iranplasab, e ki pour nou.Sa maryaz ti donn nesans Kreolite.Louvertir Erport Enternasyonal an 1971 ti plis ki en reisit enzenyer i ti en lakt limazinasyon, ki ti deklare ki nou pa ti pou les nou ganny definir par nou izolasyon. Noun etann lanmen deor, e lemonn in etann lanmen ver nou.Senk an pli tar, nou lendepandans in permet nou donn lekspresyon sa vizyon dan tou son splander.Le 29 Zen 1976, nou pa’n senpleman ganny en paviyon. Nou reklanm nou lavenir.E kel lavenir nou’n batir!Dan nou bann premye lannen koman en nasyon, nou’n fer bann swa ki’n kontinyen fasonn karakter sa pei.Nou ti dir ki ledikasyon pa pou en privilez pour zis en pti minorite i ti pour en drwa sak zanfan ki ne anba soley Sesel. Nou ti dir ki ler en Seselwa i tonm malad, napa personn ki pou ganny refize swen neseser akoz i napa larzan. Nou ti dir ki nou vyeyar pa pou zanmen mandyen ankor e ki zot pou mor dan dinnyte.Sa pa ti bann pti desizyon. Zot ti bann deklarasyon bann prensip nob en deklarasyon sa kalite nasyon ki nou ti anvi vini.Nou’n batir Air Seychelles e pyeste ansanm nou bann pti zil eparpiye. Nou’n devlop nou bann por, e ouver nou frontyer pour komers.Nou’n vir ver lanmer — pa avek lafreyer, me avek lasazes — pour batir en sekter lapes ki nouri nou, anploy nou, e soutenir nou. E dan tousala, nou’n mentenir sa krwayans ki okenn kominote pa devret ganny kit deryer, okenn zanfan Sselwa pa dwatet ganny kit deryer, ki zonm i bezwen o sant tou devlopman.Dan bann lannen 1990, nou ti aprofondi nou demokrasi. Nou ti adopte en konstitisyon ki met aker drwa tou sitwayen, afirm leta de drwa, e ankre bann prensip pliralism ek lenklizyon. Sa letan nou ti ganny en konpran — parey i le ka ozordi — ki si en nasyon i for, i pa malgre son bann diferans. I for akoz lafason ki i zer son diferans.A lob nouvo milener, Sesel ti fer son lavwa tande lo lasenn enternasyonal — e ti en lavwa ki ti koz avek klarte e kouraz.Nou ti protez nou later ek nou losean avek en determinasyon ki’n fer nou ganny ladmirasyon partou dan lemonn. Nou’n lager pour lakoz bann pti leta zil — bann nasyon parey nou, ki zot kontribisyon anver resofman later i neglizab, me ki zot legzistans i ganny menase par son konsekans. Dan bann lasal Nasyon-z-Ini, dan SADC, dan sak foronm ki lavenir nou plannet ble in ganny diskite, Sesel in koze — e i’n ganny tande.Se nou ki pionye konsep Lekonomi Ble, e nou’n prouv avek lemonn ki dirabilite ek prosperite pa an konfli — zot annefe, menm zafer. Sa losean ki antour nou i pa senpleman en resours. I nou lidantite, nou responsabilite, e nou pli gran leritaz.Aprezan, mon anvi koz lo en keksoz ki pa kapab ganny mezire par dokiman polisi ouswa rapor ekonomik. Mon anvi koz lo sa ki nou ete.Ler tanbour i kriye depi lesklavaz ziskan ozordi dan festival kreol, e bann lavwa i rezonnen dan lalang ki nou’n erite avek nou bann granparan; ler peser i sorti granmaten, lo sa menm delo ki zot ti vini; ler bann fanmir i rasanble dan Dimans, e loder kari i melanz avek ler delosale — sa i Sesel. Se sa ki nou ete.Nou kiltir i pa bann zartifay sorti dan lepase ki bezwen ganny prezerve deryer vitrin. Nou kiltir i vivan. I respire. E, dan en lepok kot nou pe ganny anvair par globalizasyon, se li menm ki reste nou pli bon lank. Annou gard li – pa zis dan nou leker, me dan nou lakour, dan nou lekol, dan nou sanson. Nou kiltir i sa konpa ki pou gid nou zanfan kan divan sanzman i soufle pli for.Sa senkant an in osi teste nou.Nou’n fer fas avek sekous ekonomik, kriz global, e bann menas ki nou pa ti’n kapab antisipe. Ti annan letan kot nou larout ti retresi e lorizon ti vin enserten. Me dan sak moman difikilte, Seselwa in vir ver kanmarad. Nou’n partaz sa ki nou annan. Nou’n apiy kanmarad. E nou’n gard nou lendirans pa akoz nou ti napa swa, me akoz se sa ki nou ete.Rezilyans i pa vedir labsans lalit. I vedir nou refize ganny konkerir. Annou ganny sa kler – sa pep pa pou zanmen ganny konkerir ankor.Sesel pa pou zanmen vinn soubaltern person ankor. Akoz Sesel I pou Seselwa.Bokou zot ki’n temwanny nesans nou nasyon an 1976 i ankor avek nou ozordi. I annan ki’n fini kit nou. An sa zour Zibile Lor, nou rapel zot avek gratitid e lafeksyon. Zot rev, zot sakrifis, e determinasyon pour kontinyen viv dan sa Repiblik ki zot in ede batir.Zot leritaz i prezan dan sak lekol, sak kominote, sak lenstitisyon, e sak loportinite ki Seselwa pe zouir ozordi.Avan nou get ver lavenir, i enportan ki nou pran sa letan pour onor bann ki’n fer sa zour vin posib.Senkant an pase, en zenerasyon Seselwa ti pran sa responsabilite imans, pour batir en nouvo nasyon. Zot pa ti erit lasertitid, me plito, en posibilite. Sa ki zot ti erite, i pa ti en pei ki’n fini batir, me plito loportinite pour kree en nouvo nasyon.Pour sa bann zonm ek fanm ki ti debout anba nou paviyon sa zour istorik, an Zen 1976; pour sa bann ki’n gid nou nasyon dilon nesans nou lendepandans; pour bann ki’n servi dan lofis piblik, dan nou bann lekol, lopital, servis sekirite, biznes, legliz, e bann kominote; e pour sa kantite Seselwa ki tou le zour, in fer sakrifis trankilman, e ki zot zefor kotidyen in ede batir sa nasyon ki nou pe selebre ozordi -nou ofer zot nou pli gran gratitid.Zot zenerasyon ti krwar dan sa pei. Zot ti krwar ki sa bann zil, malgre zot pti, ti kapab annan en gran lanbisyon. Sa bann liberte ki nou zouir, sa bann lenstitisyon ki nou depan lo la, sa bann loportinite ki nou zanfan pe gannyen ozordi, i form parti zot leritaz dirab.La ki nou pe komemor senkant an Lendepandans, nou bezwen osi rekonnet kontribisyon tou bann ki’n ganny envestir koman lider sa nasyon, pandan son traze.An sa zour istorik, mon le rann en omaz partikilye Prezidan France-Albert René, ki ti konmans lalit pou lendepandans ki ti konmans lalit pou lendepandans en 1964 osi byen ki sir James Mancham ki plitar dan son parkour politik ti konpran nesesite pou nou vinn andepandan e I ti zwenn ek Msye Rene pou negosye lendepandans nou pei Sesel.Listwar pou toultan rapel zot konman sa de gran Seselwa kin skilpte politik sa Sesel modern.Zot direksyon, a lob Lendepandans, in ede met fondasyon pour sa nasyon Seselwa modern.Nou osi rekonnet kontribisyon tou bann lezot ansyen Prezidan, Vis-Prezidan, Minis, Manm Lasanble Nasyonal, bann dirizan legliz, zofisye servis piblik, bann lider lakominote, e tou bann ki’n servi Larepiblik dan diferan kapasite.Atraver diferan peryod letan dan nou listwar, e dan diferan sirkonstans, sakenn in kontribye anver devlopman Sesel e anver lavansman nou nasyon.Listwar in montre nou, ki napa okenn zenerasyon ki batir en nasyon li tousel.Konstriksyon en nasyon i en traze kontinyel, ki ganny pouse devan par bann zenerasyon siksesiv, e sak zenerasyon i azout son prop sapit dan zistwar nasyonal.Ozordi, ler nou pe selebre nou Zibile Lor, annou regard nou pase avek matirite, konfidans, e zenerozite. Annou pwiz nou lafors dan sa ki inifye nou, plito ki dan sa ki’n diviz nou.Prosen letap Sesel pa kapab ganny ekrir dan divizyon. I pa kapab ganny ekrir dan mefyans, lanmertim, ouswa politik lepase. I bezwen ganny ekrir atraver dyalog, respe mityel, e en langazman pou byenet nou tou e pou en prosperite komen.Parske, malgre ki nou kapab annan pwendvi diferan, apartenir a diferan parti politik, sorti lo diferan zil, kominote e diferan kous lasosyete, nou reste en sel pep. Nou partaz en sel listwar. Nou flot en sel paviyon. Nou en sel nasyon avek en sel teritwar. Nou pei, nou lidantite, nou destin.Letan ki nou pe travers pon sorti dan nou premye senkant an pour al dan dezyenm senkant an nou lendepandans, annou fer li ansanm, ini, non pa par liniformite nou lopinyon, me par en krwayans partaze dan lavenir Sesel e dan enn a lot.Pli gro kado ki nou kapab ofer prosen zenerasyon i pa senpleman prosperite. Se linite. Se stabilite. Se en pei ki annan konfyans dan son lekor pour bouz annavan koman en sel pep ek en sel desten.Ozordi, sepandan, i pa selman en zour pour bann souvenir. I en lazournen pour langazman.Sa prosen senkant an pou ganny fasonnen par bann lafors ki prezan ki nou pe komans konpran akselerasyon dan sanzman teknolozik, lentelizans artifisyel, laprofondisman kriz, sanzman klima, transformasyon kontinyel dan lekonomi global, bann nouvo realite zeopolitik.Sa i pa bann defi ki nou kapab senpleman swete i disparet. I bann defi ki demann plis kouraz, en nouvo limazinasyon, e en vizyon ini e solid pour en bi komen.Nou bezwen envestir dan nou bann zenn pa zis dan zot ledikasyon, me osi dan zot konfidans. Seselwa ki leve demen i bezwen krwar profondeman e san rezervasyon ki zot lide i enportan, ki zot lanbisyon i lezitim, e ki sa bann zil i en landrwa kot tou i posib.Nou bezwen protez nou losean avek plis determinasyon, tout an prenan kont ki sa ki nou fer isi i devers parey en laroul lo limanite an antye.E, nou bezwen angaz nou avek leres lemonn, pa koman bann dimoun ki pe sipliye, me koman bann egal fyer nou listwar, kler vizavi nou bann valer, e zenere dan nou vizyon.Pour batir en nasyon, i pa travay zis Prezidan ek Lasanble Nasyonal. I travay tou Seselwa ki swazir lentegrite parlao konvenyans, lakominote avan son lekor, e lespwar plito ki en mank krwayans.Sak zanfan ki al lekol avek kiryozite. Sak travayer ki annan lafyerte dan son metye. Sak sitwayen ki respekte dinyite son vwazen otan ki sa ki pour li menm. Se koumsa ki en nasyon i vreman ganny batir pa dan bann gran zes, me dan dis mil pti aksyon kotidyen ki montre zot langazman.Sakenn de nou i anmenn en morso Sesel dan nou leker. Sakenn de nou i responsab pour sa ki Sesel i devenir.Senkant an pase, sa ki ti vin avan nou, ti pran en pa baze lo lafwa. Zot ti get sa bann pti zil eparpiye zoli, izole, enprobab e zot ti oze krwar ki en keksoz ekstraordiner ti kapab fleri la.Zot ti annan rezon.Akoz sa ki zot in batir i plis ki en pei. Zot in batir en lakour. En landrwa kot de zenerasyon apre zenerasyon Seselwa i kapab reve, apartenir, e prospere. Zot in donn nou pa zis en nasyon, me en responsabilite pour prezerv li, ranforsi li, e kit li pli meyer ki nou ti zwenn li, pour lot zenerasyon.Zot in fer ki ozordi, Sesel i pei avek en nivo lavi pli o dan Lafrik.E aprezan, se-t-a nou, sa zenerasyon, dan sa moman, pour fer nou prop aksyon lafwa. Pour regard sa prosen senkant an, pa avek lenkyetid, me avek menm krwayans odasye: ki lemeyer pour Sesel i ankor devan nou.Annou al annavan ansanm en sel pep, anba en sel lesyel, avek en sel konviksyon ferm: ki sa bann zil e sa bann dimoun ki apel sa landrwa se zot, i en keksoz rar e presye dan sa monn, e i pou reste koumsa a leternite.Ozordi, ler nou paviyon pe flote avek fyerte atraver nou bann zil e dan leker tou Seselwa otour lemonn, annou selebre pa zis sa ki nou’n atenn, me osi sa ki nou’n reisi vini. Annou onor nou pase, seri nou prezan, e ouver lebra ver lavenir avek konfyans, linite, e lespwar.Bonnfet 50enm Laniverser Lendepandans Sesel !Bonnfet 50enm laniverser tou Seselwa dan tou kwen lemonn !Ki Bondye i beni zot tou, e ki Bondye I beni nou pei Sesel.— End of Address —

Your Excellency Shri Narendra Modi, Prime Minister of the Republic of India;

Your Excellency Dr. the Honourable Navinchandra Ramgoolam, Prime Minister of the Republic of Mauritius, and Mrs. Veena Ramgoolam;

Your Excellencies, Distinguished Invited Guests, My Fellow Seychellois, Ladies and Gentlemen,

It is my great honour and pleasure to welcome you to Seychelles as we commemorate the fiftieth anniversary of our Independence.

Your presence on this historic occasion is a great honour to our nation and a reflection of the enduring friendships and partnerships that Seychelles has nurtured with countries across the world over the past five decades. We are deeply grateful that you have joined us to celebrate this important milestone in our nation's history.

Fifty years ago, Seychelles took its rightful place among the community of nations as a sovereign and independent Republic. Since then, we have remained steadfast in our commitment to friendship, mutual respect, peaceful coexistence and constructive international cooperation.

The progress we celebrate today has been made possible through the resilience and determination of the Seychellois people, strengthened by the friendship, solidarity and cooperation of our international partners. For this, we express our sincere gratitude.

As we celebrate this Golden Jubilee, we reaffirm our commitment to strengthening the bonds of friendship that unite our countries and to working together in pursuit of a more peaceful, prosperous and sustainable future.

Once again, welcome to Seychelles, and thank you for honouring us with your presence on this memorable occasion.

As we celebrate fifty years of our nation's independence, it is only fitting that I continue this address in our mother tongue, Kreol Seselwa, the language that reflects our identity, our heritage and the enduring spirit of our people.

Senkant an pase, mon ankor rapel tre byen mon ti en zanfan 12 an, mon tousel, mon ti desann lo stab popiler pou vin temwanny nesans mon pei Sesel.

Pou lapremyfwa nou paviyon, paviyon Sesel, ble, blan, rouz, ti monte, anba sa lesyel Losean Endyen, e fer en deklarasyon avek lemonn nou lib, Sesel i lib, nou pep i lib.

Sesel in finalman, apre plizer lannen lalit, annan son souverennte.

I annan de moman dan lavi en nasyon ki depas pasaz letan bann moman ki apartenir pa zis a bann ki’n viv zot, me ki osi apartenir a sak zenerasyon ki’n swiv. Ozordi i en tel moman.

Zibile Lor nou lendepandas i pa zis en dat lo en kalandriye. I en rekonesans sa ki nou ete, en selebrasyon zistans ki nou’n arive, e en promes solanel lo kote nou pe ale.

Mon debout devan zot ozordi pa selman koman zot Prezidan, me koman en Seselwa fyer e dinny enn de zot amble e touse par limansite sa lokazyon, e labote sa pep.

Byen lontan, avan ki leres lemonn ti komans port latansyon lo nou bann zil, nou bann zanset, Afriken, Azyatik, Eropeen ti ariv lo sa teritwar, e swazir pour batir en keksoz ansanm. Zot ti anmenn avek zot, diferan zistwar, diferan langaz, diferan krwayans, diferan kiltir. E avek sa diversite ekstraordiner, zot in fasonn en keksoz ki rar: en pep ki viv anpe ek kanmarad, en kiltir inik, ki iranplasab, e ki pour nou.

Sa maryaz ti donn nesans Kreolite.

Louvertir Erport Enternasyonal an 1971 ti plis ki en reisit enzenyer i ti en lakt limazinasyon, ki ti deklare ki nou pa ti pou les nou ganny definir par nou izolasyon. Noun etann lanmen deor, e lemonn in etann lanmen ver nou.

Senk an pli tar, nou lendepandans in permet nou donn lekspresyon sa vizyon dan tou son splander.

Le 29 Zen 1976, nou pa’n senpleman ganny en paviyon. Nou reklanm nou lavenir.

Dan nou bann premye lannen koman en nasyon, nou’n fer bann swa ki’n kontinyen fasonn karakter sa pei.

Nou ti dir ki ledikasyon pa pou en privilez pour zis en pti minorite i ti pour en drwa sak zanfan ki ne anba soley Sesel. Nou ti dir ki ler en Seselwa i tonm malad, napa personn ki pou ganny refize swen neseser akoz i napa larzan. Nou ti dir ki nou vyeyar pa pou zanmen mandyen ankor e ki zot pou mor dan dinnyte.

Sa pa ti bann pti desizyon. Zot ti bann deklarasyon bann prensip nob en deklarasyon sa kalite nasyon ki nou ti anvi vini.

Nou’n batir Air Seychelles e pyeste ansanm nou bann pti zil eparpiye. Nou’n devlop nou bann por, e ouver nou frontyer pour komers.

Nou’n vir ver lanmer — pa avek lafreyer, me avek lasazes — pour batir en sekter lapes ki nouri nou, anploy nou, e soutenir nou. E dan tousala, nou’n mentenir sa krwayans ki okenn kominote pa devret ganny kit deryer, okenn zanfan Sselwa pa dwatet ganny kit deryer, ki zonm i bezwen o sant tou devlopman.

Dan bann lannen 1990, nou ti aprofondi nou demokrasi. Nou ti adopte en konstitisyon ki met aker drwa tou sitwayen, afirm leta de drwa, e ankre bann prensip pliralism ek lenklizyon. Sa letan nou ti ganny en konpran — parey i le ka ozordi — ki si en nasyon i for, i pa malgre son bann diferans. I for akoz lafason ki i zer son diferans.

A lob nouvo milener, Sesel ti fer son lavwa tande lo lasenn enternasyonal — e ti en lavwa ki ti koz avek klarte e kouraz.

Nou ti protez nou later ek nou losean avek en determinasyon ki’n fer nou ganny ladmirasyon partou dan lemonn. Nou’n lager pour lakoz bann pti leta zil — bann nasyon parey nou, ki zot kontribisyon anver resofman later i neglizab, me ki zot legzistans i ganny menase par son konsekans. Dan bann lasal Nasyon-z-Ini, dan SADC, dan sak foronm ki lavenir nou plannet ble in ganny diskite, Sesel in koze — e i’n ganny tande.

Se nou ki pionye konsep Lekonomi Ble, e nou’n prouv avek lemonn ki dirabilite ek prosperite pa an konfli — zot annefe, menm zafer. Sa losean ki antour nou i pa senpleman en resours. I nou lidantite, nou responsabilite, e nou pli gran leritaz.

Aprezan, mon anvi koz lo en keksoz ki pa kapab ganny mezire par dokiman polisi ouswa rapor ekonomik. Mon anvi koz lo sa ki nou ete.

Ler tanbour i kriye depi lesklavaz ziskan ozordi dan festival kreol, e bann lavwa i rezonnen dan lalang ki nou’n erite avek nou bann granparan; ler peser i sorti granmaten, lo sa menm delo ki zot ti vini; ler bann fanmir i rasanble dan Dimans, e loder kari i melanz avek ler delosale — sa i Sesel. Se sa ki nou ete.

Nou kiltir i pa bann zartifay sorti dan lepase ki bezwen ganny prezerve deryer vitrin. Nou kiltir i vivan. I respire. E, dan en lepok kot nou pe ganny anvair par globalizasyon, se li menm ki reste nou pli bon lank. Annou gard li – pa zis dan nou leker, me dan nou lakour, dan nou lekol, dan nou sanson. Nou kiltir i sa konpa ki pou gid nou zanfan kan divan sanzman i soufle pli for.

Sa senkant an in osi teste nou.

Nou’n fer fas avek sekous ekonomik, kriz global, e bann menas ki nou pa ti’n kapab antisipe. Ti annan letan kot nou larout ti retresi e lorizon ti vin enserten. Me dan sak moman difikilte, Seselwa in vir ver kanmarad. Nou’n partaz sa ki nou annan. Nou’n apiy kanmarad. E nou’n gard nou lendirans pa akoz nou ti napa swa, me akoz se sa ki nou ete.

Rezilyans i pa vedir labsans lalit. I vedir nou refize ganny konkerir. Annou ganny sa kler – sa pep pa pou zanmen ganny konkerir ankor.

Sesel pa pou zanmen vinn soubaltern person ankor. Akoz Sesel I pou Seselwa.

Bokou zot ki’n temwanny nesans nou nasyon an 1976 i ankor avek nou ozordi. I annan ki’n fini kit nou. An sa zour Zibile Lor, nou rapel zot avek gratitid e lafeksyon. Zot rev, zot sakrifis, e determinasyon pour kontinyen viv dan sa Repiblik ki zot in ede batir.

Zot leritaz i prezan dan sak lekol, sak kominote, sak lenstitisyon, e sak loportinite ki Seselwa pe zouir ozordi.

Avan nou get ver lavenir, i enportan ki nou pran sa letan pour onor bann ki’n fer sa zour vin posib.

Senkant an pase, en zenerasyon Seselwa ti pran sa responsabilite imans, pour batir en nouvo nasyon. Zot pa ti erit lasertitid, me plito, en posibilite. Sa ki zot ti erite, i pa ti en pei ki’n fini batir, me plito loportinite pour kree en nouvo nasyon.

Pour sa bann zonm ek fanm ki ti debout anba nou paviyon sa zour istorik, an Zen 1976; pour sa bann ki’n gid nou nasyon dilon nesans nou lendepandans; pour bann ki’n servi dan lofis piblik, dan nou bann lekol, lopital, servis sekirite, biznes, legliz, e bann kominote; e pour sa kantite Seselwa ki tou le zour, in fer sakrifis trankilman, e ki zot zefor kotidyen in ede batir sa nasyon ki nou pe selebre ozordi -nou ofer zot nou pli gran gratitid.

Zot zenerasyon ti krwar dan sa pei. Zot ti krwar ki sa bann zil, malgre zot pti, ti kapab annan en gran lanbisyon. Sa bann liberte ki nou zouir, sa bann lenstitisyon ki nou depan lo la, sa bann loportinite ki nou zanfan pe gannyen ozordi, i form parti zot leritaz dirab.

La ki nou pe komemor senkant an Lendepandans, nou bezwen osi rekonnet kontribisyon tou bann ki’n ganny envestir koman lider sa nasyon, pandan son traze.

An sa zour istorik, mon le rann en omaz partikilye Prezidan France-Albert René, ki ti konmans lalit pou lendepandans ki ti konmans lalit pou lendepandans en 1964 osi byen ki sir James Mancham ki plitar dan son parkour politik ti konpran nesesite pou nou vinn andepandan e I ti zwenn ek Msye Rene pou negosye lendepandans nou pei Sesel.

Listwar pou toultan rapel zot konman sa de gran Seselwa kin skilpte politik sa Sesel modern.

Zot direksyon, a lob Lendepandans, in ede met fondasyon pour sa nasyon Seselwa modern.

Nou osi rekonnet kontribisyon tou bann lezot ansyen Prezidan, Vis-Prezidan, Minis, Manm Lasanble Nasyonal, bann dirizan legliz, zofisye servis piblik, bann lider lakominote, e tou bann ki’n servi Larepiblik dan diferan kapasite.

Atraver diferan peryod letan dan nou listwar, e dan diferan sirkonstans, sakenn in kontribye anver devlopman Sesel e anver lavansman nou nasyon.

Listwar in montre nou, ki napa okenn zenerasyon ki batir en nasyon li tousel.

Konstriksyon en nasyon i en traze kontinyel, ki ganny pouse devan par bann zenerasyon siksesiv, e sak zenerasyon i azout son prop sapit dan zistwar nasyonal.

Ozordi, ler nou pe selebre nou Zibile Lor, annou regard nou pase avek matirite, konfidans, e zenerozite. Annou pwiz nou lafors dan sa ki inifye nou, plito ki dan sa ki’n diviz nou.

Prosen letap Sesel pa kapab ganny ekrir dan divizyon. I pa kapab ganny ekrir dan mefyans, lanmertim, ouswa politik lepase. I bezwen ganny ekrir atraver dyalog, respe mityel, e en langazman pou byenet nou tou e pou en prosperite komen.

Parske, malgre ki nou kapab annan pwendvi diferan, apartenir a diferan parti politik, sorti lo diferan zil, kominote e diferan kous lasosyete, nou reste en sel pep. Nou partaz en sel listwar. Nou flot en sel paviyon. Nou en sel nasyon avek en sel teritwar. Nou pei, nou lidantite, nou destin.

Letan ki nou pe travers pon sorti dan nou premye senkant an pour al dan dezyenm senkant an nou lendepandans, annou fer li ansanm, ini, non pa par liniformite nou lopinyon, me par en krwayans partaze dan lavenir Sesel e dan enn a lot.

Pli gro kado ki nou kapab ofer prosen zenerasyon i pa senpleman prosperite. Se linite. Se stabilite. Se en pei ki annan konfyans dan son lekor pour bouz annavan koman en sel pep ek en sel desten.

Ozordi, sepandan, i pa selman en zour pour bann souvenir. I en lazournen pour langazman.

Sa prosen senkant an pou ganny fasonnen par bann lafors ki prezan ki nou pe komans konpran akselerasyon dan sanzman teknolozik, lentelizans artifisyel, laprofondisman kriz, sanzman klima, transformasyon kontinyel dan lekonomi global, bann nouvo realite zeopolitik.

Sa i pa bann defi ki nou kapab senpleman swete i disparet. I bann defi ki demann plis kouraz, en nouvo limazinasyon, e en vizyon ini e solid pour en bi komen.

Nou bezwen envestir dan nou bann zenn pa zis dan zot ledikasyon, me osi dan zot konfidans. Seselwa ki leve demen i bezwen krwar profondeman e san rezervasyon ki zot lide i enportan, ki zot lanbisyon i lezitim, e ki sa bann zil i en landrwa kot tou i posib.

Nou bezwen protez nou losean avek plis determinasyon, tout an prenan kont ki sa ki nou fer isi i devers parey en laroul lo limanite an antye.

E, nou bezwen angaz nou avek leres lemonn, pa koman bann dimoun ki pe sipliye, me koman bann egal fyer nou listwar, kler vizavi nou bann valer, e zenere dan nou vizyon.

Pour batir en nasyon, i pa travay zis Prezidan ek Lasanble Nasyonal. I travay tou Seselwa ki swazir lentegrite parlao konvenyans, lakominote avan son lekor, e lespwar plito ki en mank krwayans.

Sak zanfan ki al lekol avek kiryozite. Sak travayer ki annan lafyerte dan son metye. Sak sitwayen ki respekte dinyite son vwazen otan ki sa ki pour li menm. Se koumsa ki en nasyon i vreman ganny batir pa dan bann gran zes, me dan dis mil pti aksyon kotidyen ki montre zot langazman.

Sakenn de nou i anmenn en morso Sesel dan nou leker. Sakenn de nou i responsab pour sa ki Sesel i devenir.

Senkant an pase, sa ki ti vin avan nou, ti pran en pa baze lo lafwa. Zot ti get sa bann pti zil eparpiye zoli, izole, enprobab e zot ti oze krwar ki en keksoz ekstraordiner ti kapab fleri la.

Akoz sa ki zot in batir i plis ki en pei. Zot in batir en lakour. En landrwa kot de zenerasyon apre zenerasyon Seselwa i kapab reve, apartenir, e prospere. Zot in donn nou pa zis en nasyon, me en responsabilite pour prezerv li, ranforsi li, e kit li pli meyer ki nou ti zwenn li, pour lot zenerasyon.

Zot in fer ki ozordi, Sesel i pei avek en nivo lavi pli o dan Lafrik.

E aprezan, se-t-a nou, sa zenerasyon, dan sa moman, pour fer nou prop aksyon lafwa. Pour regard sa prosen senkant an, pa avek lenkyetid, me avek menm krwayans odasye: ki lemeyer pour Sesel i ankor devan nou.

Annou al annavan ansanm en sel pep, anba en sel lesyel, avek en sel konviksyon ferm: ki sa bann zil e sa bann dimoun ki apel sa landrwa se zot, i en keksoz rar e presye dan sa monn, e i pou reste koumsa a leternite.

Ozordi, ler nou paviyon pe flote avek fyerte atraver nou bann zil e dan leker tou Seselwa otour lemonn, annou selebre pa zis sa ki nou’n atenn, me osi sa ki nou’n reisi vini. Annou onor nou pase, seri nou prezan, e ouver lebra ver lavenir avek konfyans, linite, e lespwar.

Bonnfet 50enm Laniverser Lendepandans Sesel !

Bonnfet 50enm laniverser tou Seselwa dan tou kwen lemonn !

Ki Bondye i beni zot tou, e ki Bondye I beni nou pei Sesel.